من دير جربتا الهادي

لحن: نغيدو (هالشمس الغابت عنّا)

من دير جربتا الهادي      بين التلّي والوادي

الأجراص بصوت الشادي    تصلّي من تلّي لتلّي

عنّا يا رفقا صلّي!

يا عين رفقا الغفّاها      عتم الدنيي وطفّاها

وبالنّور ربّي صفّاها      علينا سهراني ضلّي

وعنّا يا رفقا صلّي!

يا راهبه الربّ اخترتي      وكرمالو العمر ندرتي

ومن كاسو المرِّ سكرتي      بهاكِ الحبّ البيحلّي

عنّا يا رفقا صلّي!

يسوع بالدير خدمتي      وعَ بيوت الناس برمتي

وأطفال يا من علّمتي      وكنتِ عَ الخير تدلّي

عنّا يا رفقا صلّي!

يا قلب الكلوّ شفقه      وعم يدفق خفقه وخفقة

من إيمانك يا رفقا      خلّي دنيتنا تملّي

وعنّا يا رفقا صلّي!

من عيشك للقرباني      صرتي قرباني تاني

بعتمات العمر الفاني      لحقتي النور المتجلّي

وعنّا يا رفقا صلّي!

لبنان كلّو مع أهلو      شمالو وجنوبو وسهلو

وأرزاتو عم تندهلو      يحبّ ويغفر ويصلّي

وعنّا يا رفقا صلّي!

© Copyright by St. Joseph's Monastery - Tomb of St. Rafqa - Jrabta, 2002-2003 - All right reserved.