مار يوسف البار

من السما إنتَ المختار
مع مريم تمشي المشوار
صامت كاتم الأسرار
عرفتَك يا يوسف البار.

ولمّن عرفت شو صار
بـِ مريم قلبك احتار
وحتى تاخذ القرار
صلّيت بقلب جبّار.

ولأنّك ثابت بالإيمان
كشفلك سرّ الأسرار،

ربّيت الطفل يسوع
حملتو عَ زندَك مشروع،

مشروع الخلاص للبشريّة
مِن الله إلك كانت الوصيّة
تـَتِعتِني بإبنو عنايِة أبوِيّة.

شو حكيو عنّك اخبار
لمّا قالوا عن يسوع
مش هيدا ابن النجّار؟

إنتَ كرمالو حبّيت الإحتقار
صرت ساكت وعنّك تِحجُب الأنظار.

بالناصرة حياتَك معو كانت خفيّة
وتَتكون من الله قريب بعِلاقة وِدِّيِة

فَضَّلت تعيش مع مريم بنعمة إلهية
ومعها ببساطة الرّوح مش بالفلسفة العلميّة.

عشت الفقر تتكون روحَك بالله غَنِيّة
وداعة، محبِّي، طهارة وبتوليّة،

تواضع، عفّي، إيمان وطواعيّة
هيك عرفتَك يا يوسف يا أحلى شخصيّة
مع يسوع ومريم بوِحدي روحيّة
تعكس صورة عن الآب بالعيلة المثاليّة.